Hüquqi

İstifadə Şərtləri (Terms of Service)

Skool üzərindən ödəniş edərək qrupa qoşulan hər bir şəxs bu şərtləri qəbul etmiş hesab olunur.

1. Giriş

Bu İstifadə Şərtləri, Do More Akademiyası tərəfindən Skool platforması üzərindən təqdim olunan Ebay Dropshipping təlimləri və rəqəmsal məzmunlara giriş qaydalarını tənzimləyir. Skool üzərindən ödəniş edərək qrupa qoşulan və ya üzvlük istəyi göndərən hər bir şəxs bu şərtləri tam qəbul etmiş hesab olunur.

2. Xidmətin Mahiyyəti

Təqdim olunan məhsul rəqəmsal təhsil məzmunudur və bura video dərslər, canlı yayımlar, strateji fayllar və icma (community) dəstəyi daxildir. Bu təlimlər yalnız məlumat xarakteri daşıyır və hər hansı bir gəlir zəmanəti vermir. Biznes nəticələri birbaşa istifadəçinin fərdi fəaliyyətindən və tətbiqetmə bacarığından asılıdır.

3. Geri Qaytarma Siyasəti

Məhsul rəqəmsal və dərhal əldə olunan (instant access) formatda olduğu üçün, ödəniş edildikdən və Skool üzərindən məzmuna giriş icazəsi verildikdən sonra ödəniş geri qaytarılmır. İstifadəçi ödəniş etməklə bu qəti şərti qəbul edir.

4. Müəllif Hüquqları və Qadağalar

Təlim materialları (videolar, PDF-lər, strategiyalar) yalnız fərdi istifadə üçündür. Materialların kütləvi yayılması, kurs xaricində satılması və ya üçüncü şəxslərlə hər hansı formada paylaşılması qəti qadağandır. Bu hal aşkarlandığı təqdirdə, istifadəçinin Skool hesabı geri ödəniş edilmədən bloklanır və müəllif hüquqlarının qorunması üçün hüquqi addımlar atıla bilər.

5. Abunəlik və Ləğvetmə

Əgər xidmət aylıq abunəlik formatındadırsa, istifadəçi növbəti ayın ödənişi avtomatik çıxılmadan əvvəl Skool profilindəki tənzimləmələr (Settings > Subscriptions) üzərindən abunəliyini ləğv etmək məsuliyyəti daşıyır. Unudulmuş və ya vaxtında ləğv edilməmiş abunəliklər üçün geri ödəniş nəzərdə tutulmur.

6. Məsuliyyətin Məhdudlaşdırılması

Ebay platformasında mağazanın bağlanması (suspend), limitlərin azaldılması və ya digər texniki problemlər Ebay-in daxili siyasəti və alqoritmləri ilə bağlıdır. Do More Akademiyası bu kimi hallara görə birbaşa məsuliyyət daşımır, lakin problemlərin həlli üçün icma daxilində məsləhət dəstəyi təmin edir.